LO REI DE PÈIRA
Celebrat da Virgilio coma Vesulus pinifer per lhi bòscs d’elvo que cuerbon siei flancs, lo Mont Vísol, aut 3841 metres, es navisat decò da Plinio lo Vielh, Dant e Petrarca coma un gigant isolat entre una corona de ponchas mai pichòtas e visibil, coma di lo topònim Vesulus, decò da la plana lombarda. Mas lo nom poleria venir decò dal germànic weiss, blanc puèg ponchut. Lhi premiers a ganhar la montanha mai auta des Alps Còcias, símbol des valadas Varacha e Pò, fogueron lhi Anglés lo 30 d’agost dal 1861. Totun l’ascension mai famosa resta aquela de la premiera cordaa italiana menaa da Quintin Sella, que après aver truchat la poncha dins lo 1863 fondet lo Club Alpin Italian.